संकल्प जामनेरच्या सर्वांगीण विकासाचा…
संकल्प हा महाविजयाचा– नामदार गिरीश महाजन
जळगाव प्रहार -वृषभ इंगळे
जामनेर – विधानसभा मतदारसंघातून आज भाजप पक्षाच्या वतीने महायुतीचा अधिकृत उमेदवार म्हणून उमेदवारी अर्ज नामदार गिरीश भाऊ महाजन यांनी दाखल केला.
पाचोरा रोड वरील बाबाजी राघो मंगल कार्यालय येथुन रॅली काढण्यात आली .
यावेळी भाजपा केंद्रीय मंत्री रक्षा ताई खडसे , नगराध्यक्षा साधना महाजन , स्मिता वाघ , आ राजू मामा भोळे , संजय गरुड , डॉ सागर गरुड यांचे सह भाजपा पदाधिकारी कार्यकर्ते मोठ्या संख्येने उपस्थित होते .
सातव्यांदा मला पक्षाने संधी दिली असुन पक्षाचा आभारी असल्याचे नामदार गिरीश महाजन यांनी सांगितले . जामनेर शहरासह
तालुक्यात करण्यात आलेल्या विविध विकास कामांच्या जोरावर जनता पुन्हा मला विजयी करून सेवा करण्याची संधी देईल असा विश्वास त्यांनी व्यक्त केला .
विरोधकांकडे उमेदवार नव्हता कोणी उभ राहायला तयार नव्हते , आमच्यातील एक व्यक्ती फोडला उमेदवारी दिली .
आणि तोच व्यक्ती आज आम्ही काय विकास केला हे प्रश्न आम्हाला विचारत आहे .
घोडा मैदान जवळ आहे , जनता यांना यांची जागा दाखवेल असा विश्वास त्यांनी व्यक्त केला .
