तापी विकास महामंडळाच्या कार्यकारी संचालकपदी राजेश मोरे साहेब, विकास कामांना येणार गती!
तापी विकास महामंडळाच्या कार्यकारी संचालकपदी राजेश मोरे साहेब विकास कामांना येणार गती!
विशेष प्रतिनिधी
जळगाव: तापी विकास महामंडळाचे विद्यमान कार्यकारी संचालक श्री. बोरकर साहेब यांची नुकतीच राज्याच्या मंत्रालयात बदली करण्यात आली आहे. त्यांच्या बदलीनंतर रिक्त झालेल्या या महत्त्वाच्या पदाचा कार्यभार आता महामंडळाचे मुख्य अभियंता श्री. राजेश मोरे साहेब यांच्याकडे सोपवण्यात आला आहे. या महत्त्वपूर्ण प्रशासकीय बदलामुळे तापी खोऱ्यातील प्रलंबित विकास कामांना मोठी गती मिळण्याची दाट शक्यता निर्माण झाली आहे.
प्रशासकीय खांदेपालट
मिळालेल्या माहितीनुसार, प्रशासकीय कामकाजाचा एक भाग म्हणून तापी विकास महामंडळाचे कार्यकारी संचालक श्री. बोरकर साहेब यांची शासनाने मंत्रालयात बदली केली आहे. त्यांच्या अचानक झालेल्या या बदलीनंतर महामंडळाच्या कामकाजावर आणि निर्णयांवर कोणताही परिणाम होऊ नये, यासाठी तातडीने पदभार सोपवण्याची कार्यवाही करण्यात आली. त्यानुसार, महामंडळाचे मुख्य अभियंता म्हणून कार्यरत असलेले श्री. राजेश मोरे साहेब यांच्यावर संचालक पदाची अतिरिक्त जबाबदारी देण्यात आली आहे.
सिंचन व विकास प्रकल्पांना मिळणार गती
श्री. राजेश मोरे साहेब हे मुख्य अभियंता म्हणून कार्यरत असल्याने त्यांना तापी विकास महामंडळाच्या अंतर्गत सुरू असलेल्या विविध सिंचन प्रकल्प, धरणे आणि इतर पायाभूत विकास कामांची सखोल तांत्रिक आणि प्रशासकीय माहिती आहे. त्यांच्याकडे आता कार्यकारी संचालक पदाची धुरा आल्याने, निर्णय प्रक्रियेला वेग येईल. रखडलेले प्रकल्प मार्गी लागतील आणि सध्या चालू असलेल्या विकास कामांना मोठी गती मिळेल, असा विश्वास व्यक्त केला जात आहे.
कार्यकारी संचालक पदाचा अतिरिक्त कार्यभार आल्या बाबत त्यांचे सदाशिव इंगळे संपादक दैनिक जळगांव प्रहार यांनी स्वागत सत्कार करून शुभेच्छा दिल्या .
